ԱԶԳ. Հանդիպում` հանդիպման հետևից, մինչև հասունացնենք Աստանա՞ն

ԵԱՀԿ Մինսկի խմբի համանախագահները, ամենայն հավանականությամբ, վերջին պատրաստությունների հարցերը կարգավորելու նպատակով, կրկին տարածաշրջանում են£ Ադրբեջանական լրատվամիջոցների տեղեկացմամբ, ԵԱՀԿ Մինսկի խմբի համանախագահներ Իգոր Պոպովը (Ռուսաստան), Բեռնար Ֆասիեն (Ֆրանսիա) և Ռոբերտ Բրադկեն (Միացյալ Նահանգներ) այսօր հանդիպումներ են ունենալու Ադրբեջանի նախագահի և արտգործնախարարի հետ, ապա կժամանեն Երևանª նմանատիպ հանդիպումներ անցկացնելու£

Համանախագահները, ԵԱՀԿ գործող նախագահի անձնական ներկայացուցիչ Անջեյ Կասպրչիկի հետ Ռուսաստանից ժամանել են Բաքուª այնտեղ հանդիպելով Ռուսաստանի արտգործնախարար Սերգեյ Լավրովի հետ£

Հայաստանի արտգործնախարարությունից հաստատեցին, որ ԵԱՀԿ Մինսկի խմբի համանախագահները այսօր կլինեն Երևանում և կհանդիպեն Հայաստանի նախագահի հետ և ԱԳ նախարարի հետ£

Հիշեցնենք, որ Հայաստանի և Ադրբեջանի արտգործնախարարներն էլ, ինտենսիվ ընթացող հանդիպումների ֆոնին, վերջին անգամ հանդիպել են այս շաբաթª նոյեմբերի 22¬ին, Մոսկվայում, ՌԴ արտգործնախարարի մասնակցությամբ£