ԱՄՆ-ը սպառնացել է Ուկրաինային դադարեցնել ռազմական օգնությունը, եթե վերջինը հրաժարվի Թրամփի պլանից․ Reuters

ԱՄՆ-ը սպառնացել է դադարեցնել հետախուզական տվյալների փոխանակումը եւ զենքի մատակարարումն Ուկրաինա, որպեսզի ստիպի նրան համաձայնել խաղաղության համաձայնագրի կնքմանը ԱՄՆ միջնորդությամբ, Reuters-ին տեղեկացրել է երկու աղբյուր։

Աղբյուրները հայտնել են, որ Կիեւը ավելի մեծ ճնշման տակ է Վաշինգտոնի կողմից, քան նախորդ ցանկացած խաղաղության բանակցությունների ժամանակ, եւ որ ԱՄՆ-ը ցանկանում է, որպեսզի Ուկրաինան ստորագրի շրջանակային համաձայնագիր մինչեւ հաջորդ հինգշաբթի։

«Նա ցանկանում է կանգնեցնել պատերազմը եւ Ուկրաինային ստիպել գին վճարել դրա համար»,- ասել է աղբյուրներից մեկը։

ԱՄՆ բարձրաստիճան զինվորական պաշտոնյաների պատվիրակությունը հինգշաբթի Կիեւում հանդիպել է նախագահ Վլադիմիր Զելենսկու հետ՝ քննարկումներ անցկացնելու համար։

Ուկրաինայում ԱՄՆ դեսպանը եւ բանակի մամուլի ծառայության ղեկավարը, որոնք ուղեկցում էին պատվիրակությանը, հանդիպումը հաջող են անվանել եւ հայտնել են, որ Վաշինգտոնը փորձում է հասնել «սուղ ժամկետում» փաստաթղթի ստորագրման ԱՄՆ-ի եւ Ուկրաինայի միջեւ։