Իսրայելի եւ Թուրքիայի միջեւ Սիրիայի հարցով հայտնվել է կապի հատուկ ալիք

«Համաձայնագրի մանրամասները մնում են անհայտ՝ բացառությամբ Իսրայելի շեշտադրման, որ Սիրիայի հարավային շրջանը ապառազմականացվելու է, ինչին դեմ չէ Թուրքիան, որը ձգտում է իր ռազմական ազդեցությունը տարածել Կենտրոնական Սիրիայի վրա: Բաքվի նոր խորհրդակցությունը կարող է հանգեցնել ավելի հստակ դիրքորոշումների, որոնք թույլ կտան Թուրքիային ռազմական էքսպանսիա իրականացնել կենտրոնական Սիրիայում, այն դեպքում, երբ Իսրայելը պահպանում է Բաշար Ասադի ռեժիմի անկումից հետո իր կողմից գրավված շրջանները, որոնք ներառում են ռազմավարական բարձունքներ՝ներառյալ Շեյխ լեռան գագաթը, Դարաայի շրջակա բլուրները, ինչպես նաեւ երկրի հարավում քաղցրահամ ջրի աղբյուրները», - նշում է Տարասովը:

Թել Ավիվը փորձում է ամրապնդել իր վերահսկողությունը դեկտեմբերի 8-ից՝ պատրաստվելով երկարաժամկետ ռազմական ներկայությանը, ինչպես նաեւ ապառազմականացված գոտի մտցնելով իր վերահսկողության տակ գտնվող շրջանների մոտ: Միեւնույն ժամանակ, Էրդողանը Հունգարիայում թուրքկան պետությունների կազմակերպության ոչ պաշտոնական գագաթնաժողովի ժամանակ շարունակել է տեղեկատվական հարձակումը Իսրայելի վրա՝ հայտարարելով, որ նրա «ծավալապաշտական շարժումները սահմաններ չեն ճանաչում»՝ նկատի ունենալով իսրայելական ագրեսիան Գազայում, Սիրիայում եւ Լիբանանում: Սակայն նա հաստատել է «Սիրիայում կայունության ձեռքբերումը»՝ նշելով, որ Թուրքիան «ձգտում է դիրքավորվել Սիրիայի կենտրոնական շրջանում՝ իր ղեկավարության ներքո ձեւավորելով ռազմական դաշինք, որը ներառում է Իրաքը եւ Հորդանանը, եւ ստանձնել է սիրիական բանակի վերածննդի պատասխանատվությունը», շարունակել է քաղաքագետը:

Թուրքական ԶԼՄ-ները պնդում են՝ այդ գործընթացների թիկունքում կանգնած է անձամբ Թրամփը, ով Իսրայելից եւ Թուրքիայից պահանջել է Սիրիայի հարցով քաղաքական համաձայնության հասնել:

«Բացի այդ, Վաշինգտոնը պատրաստվում է Անկարայում իր դեսպան Թոմաս Բարաքին՝ Թրամփի վստահված անձանցից մեկին, նշանակել Սիրիայում ԱՄՆ հատուկ դեսպանորդ՝ ի լրումն դեսպանի պարտականությունների, մինչդեռ Սիրիայում ԱՄՆ դեսպանատունը շարունակում է իր աշխատանքը նաեւ Թուրքիայում, քանի որ, նրա կարծիքով, «անվտանգության նկատառումները խոչընդոտում են Դամասկոսում դեսպանատան աշխատանքին վերադառնալուն», - ամփոփել է Տարասովը:

Աղբյուրը՝ iarex.ru-ի

Թարգմանությունը՝ Գայանե Մանուկյանի