Իսրայելը վերսկսում է ՀԱՄԱՍ-ի դեմ պայքարը

Իսրայելի վարչապետ Բենիամին Նեթանյահուն և պաշտպանության նախարար Իսրայել Կացն Իսրայելի պաշտպանության բանակին հանձնարարել են ՀԱՄԱՍ-ի դեմ «վճռական միջոցներ» ձեռնարկել Գազայի հատվածում: Այդ մասին հաղորդում է Իսրայելի վարչապետի գրասենյակը, տեղեկանում ենք interfax.ru-ից։

Հայտարարության մեջ նշվում է, որ ՀԱՄԱՍ-ը մերժել է բոլոր առաջարկները, որոնք նա ստացել է Մերձավոր Արևելքում ԱՄՆ-ի հատուկ պատվիրակ Սթիվ Ուիտկոֆից և մյուս միջնորդներից:

Ինչպես պարզաբանել է Նեթանյահուի գրասենյակը, Իսրայելի պաշտպանության բանակի հարվածներն ուղղված են ՀԱՄԱՍ-ի ռազմական և վարչական պոտենցիալի վերացմանը և պատանդների վերադարձին։

«Այսուհետ Իսրայելը ՀԱՄԱՍ-ի դեմ կգործի ուժեղացված ռազմական ուժով»,- հայտնել են գրասենյակից։ «Իսրայելական բանակի գործողությունները վերսկսելու ծրագրերը հավանության են արժանացել անցյալ շաբաթ քաղաքական էշելոնի կողմից», - ավելացրել է նա:

Իսրայելի պաշտպանության բանակն իր հերթին հայտնել է, որ «զանգվածային հարվածներ է հասցնում Գազայի հատվածում ՀԱՄԱՍ կազմակերպությանը պատկանող թիրախներին»։