Հայաստանի 6 ներկայացուցիչ հայտնվել է շախմատի համաշխարհային վարկանիշի լավագույն 100-յակում

Հայաստանից վեց շախմատիստներ հայտնվել են Շախմատի համաշխարհային ֆեդերացիայի պաշտոնական կայքում հրապարակված ՖԻԴԵ-ի տղամարդկանց և կանանց լավագույն հարյուրյակում։

Տղամարդկանց շրջանում լավագույն 100-յակում ընդգրկվել են գրոսմայստերներ Շանթ Սարգսյանը (64-րդ տեղ), Հայկ Մարտիրոսյանը (85-րդ) և Հրանտ Մելքումյանը (99-րդ):

Կանանց շրջանում՝ Էլինա Դանիելյանը (47-րդ տեղ), Լիլիթ Մկրտչյանը (55-րդ) և Աննա Սարգսյանը (84):
Նշենք, որ նախորդ վարկանիշի համեմատ Շանթ Սարգսյանը բարձրացել է երկու հորիզոնականով՝ 66-րդ տեղից հայտնվելով 64-րդ տեղում։ Կանանց վարկանիշային աղյուսակում երեք հորիզոնականով բարձրացել է Լիլիթ Մկրտչյանը։