Թրամփն իր բանագնացին հանձնարարել է 100 օրում կարգավորել ուկրաինական հակամարտությունը

ԱՄՆ նախագահ Դոնալդ Թրամփը Ուկրաինայի հարցով իր հատուկ բանագնաց Քիտ Քելլոգին հանձնարարել է 100 օրվա ընթացքում հասնել ուկրաինական հակամարտության դադարեցման: Այս մասին, ինչպես հաղորդում է ՌԻԱ Նովոստին, գրում է «Wall Street Journal» թերթը։

Միաժամանակ հոդվածում նշվում է` գործնականում ոչ ոք չի կարծում, որ նա կարող է դա անել: Ըստ թերթի` ԱՄՆ-ի նոր առաջնորդը մտադիր է անձամբ վերահսկել Ուկրաինայի հարցի շուրջ բանակցությունների ընթացքը:

Ավելի վաղ Թրամփը հույս էր հայտնել, որ Ուկրաինայի հարցով Ռուսաստանի նախագահի հետ բանակցությունները կարող են կայանալ ավելի վաղ, քան առաջիկա կես տարում: Դրանից առաջ էլ նա խոստացել էր, որ կկարողանա Ուկրաինայի հակամարտության կարգավորման հասնել բանակցությունների միջոցով։ Թրամփը բազմիցս հայտարարել է, որ մեկ օրում կկարողանա կարգավորել Ուկրաինայի հակամարտությունը։ ՌԴ-ում կարծում են, որ դա չափազանց բարդ խնդիր է նման պարզ լուծում ունենալուն համար։