Փոխարժեքներ
22 10 2024
|
||
---|---|---|
USD | ⚊ | $ 387.16 |
EUR | ⚊ | € 419.99 |
RUB | ⚊ | ₽ 4.03 |
GBP | ⚊ | £ 504.2 |
GEL | ⚊ | ₾ 142.18 |
Այսօր՝ ապրիլի 9-ին, Հայաստանի արտգործնախարարի պաշտոնակատար Էդվարդ Նալբանդյանն ընդունել է Սիրիայի նախագահի հատուկ բանագնաց, դեսպան Ադնան Մահմուդին. տեղեկացնում է ԱԳՆ մամուլի եւ հասարկայնության հետ կապերի վարչությունը:
Ադնան Մահմուդը ներկայացրել է Սիրիայում տեղի ունեցած վերջին զարգացումները, զինված բախումների դադարեցմանն ուղղված ջանքերը:
Էդվարդ Նալբանդյանը խորը մտահոգություն է հայտնել Սիրիայում շարունակվող ճգնաժամի եւ վատթարացող հումանիտար իրավիճակի կապակցությամբ՝ ընդգծելով, որ դրանից լրջորեն տուժում է երկրի քաղաքացիական բնակչությունը, այդ թվում` սիրիահայությունը: Նա վստահություն է հայտնել, որ կարգավորման միակ ճանապարհը Սիրիայի հասարակության բոլոր հատվածների միջեւ երկխոսությունն է, եւ հույս է հայտնել, որ մոտ ապագայում հնարավոր կլինի ելք գտնել ստեղծված իրավիճակից եւ համերաշխություն ու կայունություն հաստատել երկրում: