Սարերում բռնկված հրդեհի մարմանը ներգրավվել է նաև ՊՆ ուղղաթիռ. կրակը մեկուսացվել է

Տավուշի և Գեղարքունիքի սարերում բռնկված հրդեհը ժամը 15:32-ին մեկուսացվել է։ Այս մասին հայտնում է ՀՀ ՆԳՆ խոսնակ Նարեկ Սարգսյանը։

Հրդեհի դեպքով Գեղարքունիքում և Տավուշում անձնակազմի հավաք էր հայտարարվել։ Քանի որ տրանսպորտային միջոցների մոտեցման ուղիները բացակայում են, հրշեջ-փրկարարները ճանապարհը շարունակում են ոտքով։

«Տավուշի մարզի Աղավնավանք և Գեղարքունիքի մարզի Ձորավանք համայնքների մոտակա սարերում բռնկված հրդեհի շիջման աշխատանքներին ներգրավվել է նաև ՊՆ ուղղաթիռ»,–գրել է Սարգսյանը:

Հիշեցնենք, որ արտակարգ իրավիճակի մասին ահազանգը ստացվել է հունվարի 5-ին, ժամը 8։00-ի սահմաններում։ Ժամը 10։20-ի դրությամբ հրդեհի հավանական դեպքի վայր մեկնած արձագանքման ուժերում ներգրավված էր 13 մարտական հաշվարկ և 4 օպերատիվ խումբ՝ ընդհանուր առմամաբ 87 հրշեջ-փրկարար, իսկ ժամը 12:30-ի դրությամբ հրդեհի հավանական դեպքի վայր մեկնած արձագանքման ուժերում ներգրավված էր 124 հրշեջ-փրկարար։ Դեպքի վայրում էին ՆԳՆ փրկարար ծառայության տնօրեն-ներքին գործերի նախարարի տեղակալ Կամո Ցուցուլյանը և ՓԾ տնօրենի տեղակալ, փ/ծ գնդապետ Տիգրան Պետրոսյանը:

Ժամը 14:55-ի դրությամբ հրդեհի հավանական դեպքի վայր մեկնած արձագանքման ուժերում ներգրավվել է 137 հրշեջ-փրկարար։