Մակրոնը խոստովանել է, որ Ֆրանսիայի խորհրդարանը ցրելու իր որոշումը սխալ էր

Ֆրանսիայի նախագահ Էմանուել Մակրոնը քաղաքացիներին ուղղված ամանորյա ուղերձում խոստովանել է, որ Ազգային ժողովը՝ խորհրդարանի ստորին պալատը ցրելու իր որոշումը հանգեցրել է ավելի մեծ անկայունության, քան քաղաքական ճգնաժամի լուծման։

«Պետք է խոստովանեմ, որ լուծարումը վեհաժողովին ավելի շատ տարաձայնություններ բերեց, քան լուծումներ ֆրանսիացիների համար», - մեջբերում է նրա խոսքերը BFMTV-ն:

Ֆրանսիայի ղեկավարի խոսքով՝ ինքը որոշում է կայացրել լճացման սպառնալիքից խուսափելու համար, սակայն դա ավելի շատ անկայունություն է ստեղծել, քան հանգստություն։

Մակրոնը հավելել է, որ իր վրա է վերցնում իրավիճակի ողջ պատասխանատվությունը։ Նա կոչ արեց 2025 թվականը հռչակել «կոլեկտիվ վերականգնման» տարի՝ հանուն կայունության և առանցքային խնդիրների լուծման։