Ռուսաստանը պատրաստ է կարգավորել հարաբերությունները Վրաստանի հետ․ Զախարովա

Մոսկվան պատրաստ է գնալ Վրաստանի հետ հարաբերությունների կարգավորման ճանապարհով այնքան, որքան պատրաստ է դրան Թբիլիսին, ճեպազրույցում ասել է ՌԴ ԱԳՆ պաշտոնական ներկայացուցիչ Մարիա Զախարովան։

«Ինչ վերաբերում է Վրաստանի հետ երկկողմ հարաբերությունների կարգավորման հետագա հեռանկարներին, մենք պատրաստ ենք գնալ այդ ճանապարհով այնքան, որքան դրան պատրաստ է Թբիլիսին»,- ասել է Զախարովան։

Հիշեցնենք` նոյեմբերի 28-ին, երբ հայտնի դարձավ, որ Վրաստանի իշխանությունները որոշել են մինչև 2028 թվականը օրակարգից հանել Եվրամիությանն անդամակցելու շուրջ բանակցությունները, Թբիլիսիում և մի քանի այլ խոշոր քաղաքներում բողոքի ակցիաներ սկսվեցին: