Թուրքիայի և Հունաստանի արտգործնախարարները նոյեմբերի 8-ին կհանդիպեն Աթենքում

Աթենքում Հունաստանի արտգործնախարար Գեորգի Գերապետիտիսը նոյեմբերի 8-ին կհանդիպի իր թուրք գործընկեր Հաքան Ֆիդանի հետ՝ քննարկելու համար երկկողմ հարցեր, ներառյալ՝ բացառիկ տնտեսական գոտու սահմանազատումը, հայտնում է Reuters-ը՝ վկայակոչելով դիվանագիտական ​​աղբյուրները։

Հունաստանը և Թուրքիան՝ երկուսն էլ ՆԱՏՕ-ի դաշնակիցները, տասնամյակներ շարունակ թշնամացած են այնպիսի հարցերի շուրջ, ինչպիսին են օդային տարածքը և ծովային իրավասությունը Արևելյան Միջերկրական ծովում, էներգետիկ ռեսուրսները և Անկարայի կողմից օկուպացված Կիպրոսը:

Թուրքիայի նախագահ Ռեջեփ Թայիփ Էրդողանն անցյալ շաբաթ հայտարարել է, թե կարծում է, որ Հունաստանի հետ հարաբերությունները բարելավվում են, և որ Գերապետրիտիսի և Ֆիդանի հանդիպումը նպատակ ուներ լուծումներ գտնել այնպիսի խնդիրներում, ինչպիսին են ծովային գոտիները և օդային տարածքը:

Արտգործնախարարներին հանձնարարվել է ստուգել, ​​թե արդյոք պայմանները բարենպաստ են մայրցամաքային ծանծաղուտի և տնտեսական գոտու սահմանազատման շուրջ բանակցություններ սկսելու համար: Համաձայնությունն այն հարցի շուրջ, թե որտեղ են սկսվում և ավարտվում դրանց ծովային գոտիները, կարևոր է գազի հնարավոր պաշարների և էներգետիկ ենթակառուցվածքների դասավորության իրավունքները որոշելու համար:

Սպասվում է, որ հունվարին Անկարայում Համագործակցության խորհրդի բարձր մակարդակի նիստ կանցկացվի, որի ընթացքում երկրները կգնահատեն ձեռք բերված առաջընթացը։ Բացի դրանից, ակնկալվում է, որ երեքշաբթի Նյու Յորքում կիպրահույների և կիպրացի թուրքերի առաջնորդները ՄԱԿ-ի գլխավոր քարտուղար Անտոնիո Գուտերեշի հետ ոչ պաշտոնական հանդիպում կանցկացնեն։