Այսօր առավոտից Լիբանանից Իսրայելի ուղղությամբ մոտ 100 հրթիռ է արձակվել

Իսրայելի պաշտպանության բանակի տվյալներով՝ այսօր առավոտից Լիբանանից հյուսիսային Իսրայելի ուղղությամբ մոտ 100 հրթիռ է արձակվել, հայտնում է Times of Israel-ը:

Հրթիռներից մի քանիսն արձակվել են Արևմտյան Գալիլեայի և Հայֆայի ծովածոցի ուղղությամբ: Տուժածների մասին տեղեկություններ չկան։

Վերջին ամիսներին Լիբանանում տեղակայված «Հեզբոլլահ» շարժումը պարբերաբար հրթիռակոծում է Իսրայելի տարածքը՝ ի պատասխան Գազայի հատվածում Իսրայելի ռազմական գործողություններին: Իսրայելը, իր հերթին, զանգվածային ավիահարձակումներ է իրականացնում Լիբանանի տարածքում՝ պնդելով, որ թիրախավորում է բացառապես «Հեզբոլլահ»-ի օբյեկտները: Իսրայելի հարվածների հետևանքով անցած շաբաթ սպանվել է շարժման ղեկավար Հասան Նասրալլահը: