«Հեզբոլլահը» մոտ 100 հրթիռ է արձակել Իսրայելի ուղղությամբ

Լիբանանյան «Հեզբոլլահ» շարժումը գիշերը և առավոտյան մոտ 100 հրթիռ է արձակել Իսրայելի ուղղությամբ։

Իսրայելի պաշտպանության բանակի տվյալներով, այսօր առավոտյան «Հեզբոլլահը» Լիբանանի տարածքից մոտ 85 հրթիռ է արձակել Իսրայելի հյուսիսային շրջանների վրա, հայտնում է Times of Israel-ը։

 Իսրայելական զինվորականները հայտնել են, որ հրթիռներից մի քանիսը որսացել են, իսկ մի քանիսն ընկել են Հայֆայի մոտ գտնվող Քիրյաթ Բյալիկ և Ստորին Գալիլեայի Մորեշեթ բնակավայրերում: Քիրյաթ Բյալիկում տուժել է երեք մարդ, հասցվել է նյութական վնաս։

Շարժումն, իր հերթին, հայտարարել է, որ հարվածել է Հայֆայի տարածքում գտնվող Rafael պաշտպանական ընկերության օբյեկտին:

Իսրայելի պաշտպանության բանակի վերջին գնահատականների համաձայն, գիշերվա ընթացքում լիբանանյան շարժմանը հաջողվել է միայն 24 հրթիռ արձակել Իսրայելի հյուսիսային շրջանների վրա, և ՀՕՊ միջոցները դրանք բոլորը որսացել են։

Ըստ ՑԱԽԱԼ-ի, գրոհների ընթացքում  հրթիռային թիրախային խոցումներ չեն եղել, ինչպես պնդում է «Հեզբոլլահը»:

Իսրայելի պաշտպանության բանակի տվյալներով, առաջին համազարկով արձակվել է 7, երկրորդով՝ 12, իսկ երրորդով՝ 5 հրթիռ:

Մինչդեռ «Հեզբոլլահի» հայտարարությամբ, յուրաքանչյուր համազարկի ընթացքում տասնյակ հրթիռներ են արձակվել Ռամաթ Դավիդ ավիաբազայի ուղղությամբ: