Միջազգային իրավունքի սկզբունքների պահպանման դեպքում Սիրիան Թուրքիային ընդառաջ դուրս կգա

Թուրքիայի հետ հարաբերությունների կարգավորմանն ուղղված բոլոր նախաձեռնություններին Սիրիան դրական է վերաբերվում, սակայն Դամասկոսը համաձայն է նման քայլի գնալ միայն միջազգային իրավունքի սկզբունքների հարֆման դեպքում։

Ըստ Al-Ikhbaria հեռուստաընկերության՝ դրա մասին մայրաքաղաքի ընտրատեղամասերից մեկում ընտրողների հետ զրույցի ժամանակ հայտարարել է Սիրիայի նախագահ Բաշար ալ-Ասադը։

«Բնական է, որ ոչ ոք չի ցանկանում իր հարևանների հետ խնդիրներ ունենալ, բայց Սիրիան պատրաստ է որոշակի կանոնների համաձայն ընդառաջ գնալ Թուրքիային և բարելավել նրա հետ հարաբերությունները»,- պարզաբանել է Ասադը։ Նա շեշտել է, որ խոսքը միջազգային իրավունքի սկզբունքների պահպանման մասին է։

«Մենք դա անում ենք, քանի որ ցանկանում ենք, որ Սիրիա-թուրքիա հարաբերությունների կարգավորմանն ուղղված շարունակական ջանքերը հաջողությամբ պսակվեն»,-ընդգծել է Ասադը։