Անձնականացրեք այս շարժումը, ձերը դարձրեք, վերացական մի՛ խոսեք․ Բագրատ Սրբազանը՝ գորիսեցիներին

«Այդ մարդը մահվան, դժբախտության, չարիքի ու սատանայի խորհուրդն է։ Այդ մարդն ուր գնացել մահ ու դժբախտություն է բերել», - ասաց Բագրատ Սրբազանը Գորիսի բնակիչների հետ հանդիպման ժամանակ։

«2020 թվականի մեր հայրենական պատերազմից հետո ինչ տեղի ունեցավ, դա էլ էր խաբեություն։ Այսպես կոչված պայմանագրում արձանագրված էր, որ զորքերը մնալու են այնտեղ, որտեղ կան, բայց զորքերը չմնացին իրենց տեղում, այլ թշնամու զորքերը եկան ձեր տուն։ Այսօր Շուռնուխում հայ մարդու սարքած տան գլխին թշնամու դրոշն է տնկած։ 2021 թվականին այդ մարդը եկել ժողովրդից քվե է խնդրել, ասելով, որ ձեռքս կկտրեմ, բայց չեմ հանձնի, իսկ 2024 թվականին վերադարձել ու այդ նույն ձեռքով սպառնացել է մարդկանց, որ եթե չանեք, պատերազմը դուք եք բերելու մեր գլխին, այսինքն պատաստանատվությունը դրել է գյուղացիների ուսերին», - ասաց Սրբազանը։ 

Հիշեցնենք՝ Բագրատ Սրբազանի այցը Սյունիք մեկնարկել է ուրբաթ առավոտյան: Սրբազանն այս օրերի ընթացքում եղել է Սյունիքում, այցելում է սահմանամերձ տարբեր համայնքներ։

Մանրամասն՝ տեսանյութում։