կարևոր
2470 դիտում, 4 ամիս առաջ - 2024-03-13 21:59
Հասարակություն

Գ. Սարգսյանն իրեն մեղավոր չի ճանաչել, մեղադրանքը խիստ վերացական է, լիահույս ենք` կմերժվի կալանքի միջնորդությունը. փաստաբան

Գ. Սարգսյանն իրեն մեղավոր չի ճանաչել, մեղադրանքը խիստ վերացական է, լիահույս ենք` կմերժվի կալանքի միջնորդությունը. փաստաբան

Ստանձնել եմ Երևան քաղաքի Նոյ թաղամասի առանձնատան և Գյուլբենկյան փողոցում տեղակայված ՔՊ կուսակցության գրասենյակների մոտ 2024թ․ փետրվարին կազմակերպված ենթադրյալ ահաբեկչության դեպքերով նախաձեռնված քրեական վարույթով մեղադրյալ Գագիկ Սարգսյանի շահերի պաշտպանությունը։ Այս մասին գրել է փաստաբան Վահե Եփրիկյանը:

«Ի հեճուկս ՀՀ Քննչական Կոմիտեի տարածած տեսանյութի (հղումը` մեկնաբանություններում), և պահպանելով նախաքննության գաղտնիությունը` ցանկանում եմ ներկա պահին հայտնել, որ պաշտպանյալս` Գագիկ Սարգսյանը ներկայացված մեղադրանքում իրեն մեղավոր չի ճանաչել, ավելին` մեր գնահատմամբ մեղադրանքը խիստ վերացական է, ակնհայտորեն չի համապատախանում քրեադատավարական չափորոշիչներին, մասնավորապես` հայտնի չէ, թե Գ. Սարգսյանը հատկապես ի՞նչ գործողություններ է իրականացրել նշյալ հանցակազմի իմաստով, ուստի ՔԿ ֊ի տարածած հաղորդագրության վերնագիրը, թե «... ահաբեկչության դեպքերը բացահայտվել են» խստագույնս չափազանցված է։

Լիահույս ենք` հիմնավոր կասկածի շեմը հաղթահարված չլինելու և կալանքի հիմքերի բացակայության պայմաններում վաղը` ժամը 11։00-ին Դատարանը կմերժի կալանավորման միջնորդությունը»,-գրել է նա։