«Շուռնուխ-2» օպերացիան՝ Տավուշում. մարդկանց գլուխների տակ փափուկ բարձ դրեցին. Ստեփանյան

Տավուշում, ըստ էության, իրականացվելու է «Շուռնուխ-2» օպերացիան, երբ մարդկանց գլուխների տակ փափուկ բարձ դրեցին, որ ամեն ինչ նորմալ է լինելու, բայց իրականում զրկվեցինք Կապան-Գորիս ավտոճանապարհից։ Ամենայն հավանականությամբ, նույն գործողությունը մեկ այլ փաթեթավորմամբ տեղի է ունենալու Ոսկեպարում։ «ՓաստԻնֆոյի» եթերում ասել է պատմաբան, պ․գ․դ․, պրոֆեսոր Խաչատուր Ստեփանյանը։

Բանախոսի դիտարկմամբ, Հայաստանի իշխանությունների մոտեցումը խիստ տարօրինակ և անտրամաբանական է։ Չի կարող Ջերմուկի հատվածում սահմանը որոշվի Ադրբեջանի այն հռետորաբանությամբ, որ այնտեղ, որտեղ կանգնած է Ադրբեջանի զինվորը՝ դա Ադրբեջանի սահմանն է, վկայակոչվի Ալմա-Աթայի հռչակագիրը, մի տեղում էլ՝ Խորհրդրային ժամանակաշրջանի ինչ որ քարտեզներով սահմանագծում իրականացվի։

Պատմաբանը նշում է, որ իրականում, բանավոր պարտավորություն են ստանձնել և ըստ դրա՝ իշխանությունները հերթական վտանագավոր զիջումներն են իրականացնելու մեր անվտանգության, մեր ենթակառուցվածքների և մեր պետականության հաշվին։ Ամենամեծ աբսուրդն է, որ երկրի ղեկավարը սեփական ժողովրդին սպառնում է պատերազմով։

Փակ հանդիպման ժամանակ փորձ է արվել մարդկանց համոզել, որ այլընտրանք չկա և պետք է համակերպվել ստեղծված իրավիճակին։ Ադրբեջանը մի քանի անգամ ծաղրելով հերքել է մեր երկրի պաշտոնական ղեկավարին, հետևաբար չեն ցանկանում ևս մեկ անգամ անհարմար իրավիճակի մեջ հայտնվել։

Անդրադառնալով Հայաոց ցեղասպանության վերաբերյալ թեզերին, բանախոսը նշեց, որ Հայաստանի իշխանությունների ձեռամբ թուրքական քաղաքականություն է իրականացվում։ Թուրքական պետությունը պաշտոնապես հանդես է եկել Հայոց ցեղասպանության ժխտման քաղաքականությամբ։ Ցեղասպանության ճանաչում չեղավ՝ Թուրքիան շարունակելու է ցեղասպան քաղաքականությունը։

Մանրամասները՝ տեսանյութում։