կարևոր
1798 դիտում, 4 ամիս առաջ - 2024-01-13 09:26
Քաղաքական

Կարեն Անդրեասյանն Արցախցի դատավորների գլխի տակ փափուկ բարձ է դրել և ընդհատակ անցել. «Հրապարակ»

Կարեն Անդրեասյանն Արցախցի դատավորների գլխի տակ փափուկ բարձ է դրել և ընդհատակ անցել. «Հրապարակ»

«Հրապարակ» օրաթերթը գրում է․ «Բռնի տեղահանումից շաբաթներ անց Արցախի դատավորները, մեր տեղեկություններով, հանդիպել են Բարձրագույն դատական խորհրդի նախագահ Կարեն Անդրեասյանի հետ՝ խնդրելով  լուծումներ գտնել, թե ինչպես կարող են Արցախից բռնի տեղահանված դատավորները Հայաստանում կենսաթոշակ ստանալ: Թեկուզ եթե ոչ այն չափով, ինչքան հայաստանյան գործընկերներն են ստանում, բայց ստանան։ Խոսքը 21 դատավորի մասին է, որոնցից 18-ը 10-15 տարվա աշխատանքային փորձ ունի։

Չնայած ԲԴԽ ղեկավարն Արցախի գործընկերներին ընդունել է ջերմ եւ սիրալիր մթնոլորտում, խոստացել իշխանության տարբեր ներկայացուցիչների հետ քննարկել ու մի լուծում գտնել, սակայն այդ հանդիպումից հետո անցել է ընդհատակ ու չի պատասխանում ո՛չ արցախցիների զանգերին, ո՛չ էլ ընդունում է նրանց։

Նշենք, որ, օրինակ, դատախազությունում, Քննչական կոմիտեում քննություն կազմակերպեցին արցախցի գործընկերների համար, որպեսզի լավ արդյունք ցուցաբերածներին ընդունեն համակարգ: Իհարկե, հետո պատճառաբանեցին, թե քանի դեռ ՀՀ քաղաքացի չեն, չեն կարող աշխատանքի անցնել, ու արհեստականորեն խոչընդոտներ ստեղծեցին շատերի համար, որովհետեւ «վերեւից» ասվել էր` չընդունեք, սակայն դատավորներին անգամ այդ հնարավորությունը չեն տվել: Հայաստան տեղափոխվելուց հետո նրանք ոչ միայն գործազուրկ են, այլեւ զրկված են թոշակից»:

Ավելին՝ «Հրապարակ» օրաթերթի այսօրվա համարում։