Չեմ զարմանա, եթե Չախոյանին տանեն կալանքի, իսկ միջնորդությունը մակագրվի Մասիս Մելքոնյանին. փաստաբան

Չեմ զարմանա, եթե Չախոյանին տանեն կալանքի, իսկ միջնորդությունը մակագրվի Մասիս Մելքոնյանին: Այս մասին գրել է փաստաբան Սերգեյ Հարությունյանը:

Հիշեցնենք, որ Նոր Նորքի վարչական շրջանի ղեկավար, Արամ Զավենի Սարգսյանի «Հանրապետություն» կուսակցության անդամ Տիգրան Տեր-Մարգարյանը և իր աշխատակիցները թաղապետարանի շենքում այսօր ուղիղ եթերում դաժանաբար ծեծի են ենթարկել ակտիվիստ, հանրային գործիչ Արթուր Չախոյանին։ Վերջինս գնացել էր մասնակցելու հանրային լսումների և վարչական շրջանի ղեկավարից պատասխան պահանջելու նախորդ օրը հրապարակայնորեն իրեն և իր ընտանիքին վիրավորելու համար։ 

Ավելի ուշ Չախոյանին բերման են ենթարկել, նա ոստիկանական բաժնից շտապօգնության մեքենայով տեղափոխվել է հիվանդանոց: 

Հիշեցնենք նաև, որ բազմաթիվ ընդդիմադիրների կալանավորած հիշյալ դատավոր Մասիս Մելքոնյանը մինչ դատավոր դառնալը եղել է ճիշտ նույն` Արամ Զավենի Սարգսյանի գլխավորած «Հանրապետություն» կուսակցության անդամ, այն կուսակցության, որի անդամ է նաև այսօր առերևույթ հանցագործություն կատարած անձանցից մեկը` Նոր Նորք վարչական շրջանի ղեկավար Տիգրան Տեր֊Մարգարյանը։