ԵՄ խորհուրդը կարող է վաղը որոշում կայացնել քաղաքացիական առաքելությունը փոխել ու դարձնել ռազմական․ Արմեն Գևորգյան

Առաքելությունն գործում է մեկ տարուց ավել, ինչո՞ւ է հիմա անհրաժեշտություն առաջացել պայմանագրի։ Այս պայմանագիրը հանդիսանում է օրինակելի՞, որը վերցված է այլ երկրներում տեղակայված փորձառությունից, թե՞ սա առանձնահատուկ օրինակ է։ Ունե՞ք տեղեկություն, թե ԵՄ-ը ինչքան գումար է ծախսել առաքելության վրա Հայաստանում։ 

Այս մասին  ՀՀ փոխարտգործնախարար Պարույր Հովհաննիսյանին հետաքրքրվեց «Հայաստան» խմբակցության պատգամավոր Արմեն Գևորգյանը։ 
ԱԺ եվրոպական ինտեգրման հարցերի մշտական հանձնաժողովի հերթական նիստի օրակարգում՝ «ՀՀ և ԵՄ-ի միջև Հայաստանում ԵՄ առաքելության՝ ՀԵՄԱ կարգավիճակի մասին համաձայնագիրը վավերացնելու մասին» օրենքի նախագիծն է։

Լսելով փոխարտգործնախարարի պատասխանը՝ Գևորգյանը արձագանքեց․ «Ստացվում է՝ այս առաքելությունն այս կարգավորումներով 1 տարի ՀՀ-ում անհասկանալի ինչ-որ պայմանավորվածություններով է գործել, բայց մենք հիմա փորձում ենք այդ պայմանավորվածությունները լեգիտիմացնել՝ տալով հետադարձ ուժ»։

Պատգամավորը հարցրեց՝ ազգային ժողովը պե՞տք է վավերացնի, հաստատի այդ առաքելության մանդատը,  ի դեմս իր նպատակների և գործառույթների, որովհետև եթե 2 փաստաթղթերից մեկն հասնելի է, իսկ առաջին նամակը՝ ոչ։

«Դուք ունե՞ք երաշխիք, որ վաղը, մյուս օր ԵՄ խորհուրդը որոշում է կայացնում ու մանդատի մեջ ինչ-որ բաներ է փոխում։ Դուք նոր նշեցիք, որ այսօրվա գոյություն ունեցող 22 առաքելություններից 12-ը քաղաքացիական են, 9-ը՝ ռազմական։ Եվ ասենք, ինքը որոշում է, որ այդ առաքելությունը դառնա ռազմական»։

Մանրամասն՝ տեսանյութում