Այսօր Ախալքալաքի հեռավոր ու բարձրլեռնային Մեծ Սամսար գյուղում տոն էր` գյուղը գազաֆիկացվել է

Այսօր Ախալքալաքի մունիցիպալիտետում տեղի է ունեցել կարևոր իրադարձություն՝ Մեծ Սամսար գյուղում ավարտվել են գազիֆիկացման աշխատանքները։ Այս մասին տեղեկանում ենք Ախալքալաքի շրջանային ժողովի՝  Սակրեբուլոյի պաշտոնական էջից:

«Գազամատակարարման «SJGC» ընկերությունը ավարտել է արտաքին գազատարի կառուցումը նշված բնակավայրի ուղղությամբ, և արդեն մոտ ժամանակում գյուղի բնակիչները հնարավորություն կունենան օգտվել բնական գազից իրենց տներում։

Միջոցառմանը մասնակցում էին Ախալքալաքի մունիցիպալիտետի Սակրեբուլոյի նախագահ Ռուբեն Պալյանը, քաղաքապետ Մելքոն Մակարյանը, ինչպես նաև Քաղաքապետարանի, Սակրեբուլոյի և SJGC ընկերության ներկայացուցիչները։

Հատուկ շնորհակալություն ենք հայտնում SJGC գազաբաշխիչ ընկերությանը իրականացված աշխատանքի համար։

Գյուղի բնակիչները ևս շնորհակալություն են հայտնում Ախալքալաքի մունիցիպալիտետի իշխանություններին՝ ծրագրի իրականացման ընթացքում ցուցաբերած աջակցության և օժանդակության համար։

Սա կարևոր քայլ է տարածաշրջանի ենթակառուցվածքների զարգացման և բնակիչների կյանքի պայմանների բարելավման ուղղությամբ»,- այս մասին հայտնում են Ախալքալաքի շրջանի Սակրեբուլոյից։