Վրաստանը չի միանա Ռուսաստանի դեմ պատժամիջոցներին․ վարչապետ

Վրաստանի վարչապետ Իրակլի Կոբախիձեն բացառել է Ռուսաստանի դեմ պատժամիջոցներին իր երկրի միանալու հնարավորությունը։ Այս մասին հայտնել է «Ինտերֆաքս»-ը:

Վրաստանի կառավարության ղեկավարը նշել է, որ այդ հարցում իրենք շատ հստակ դիրքորոշում ունեն: «Մենք պատժամիջոցների չենք դիմում և այդ առումով բավականին ուժեղ փաստարկներ ունենք»,- ընդգծել է նա Բրյուսելում՝ Եվրամիության արտաքին գործերի և անվտանգության քաղաքականության գերագույն ներկայացուցիչ Ժոզեպ Բորելի հետ համատեղ ասուլիսում:

Իրակլի Կոբախիձեն ընդգծել է նաև, որ իրեն դառնացնում են Ռուսաստանի դեմ երկրորդ ճակատ բացելու վերաբերյալ ուկրաինացի պաշտոնատար անձանց հայտարարությունները: