կարևոր
1348 դիտում, 1 շաբաթ առաջ - 2024-02-13 13:30
Հասարակություն

Քանի Փաշինյանն իշխելու է, ունենալու ենք զոհեր․ լարված վիճակ՝ ավագանու նիստում

Երևանի ավագանու այսօրվա նիստում քննարկվում է միասնական տոմսային համակարգի ներդրման և տրանսպորտի թանկացման հարցը։

 Հիշեցնենք, որ ավագանին որոշեց հարցը քննարկել, բայց չքվեարկել, քվեարկելուց առաջ հարցը հանել օրակարգից։

 «Մայր Հայաստան» խմբակցության անդամ Սամվել Հակոբյանի ելույթի ժամանակ իրավիճակը լարվեց:  Սամվել Հակոբյանը հայտարարեց, որ ադրբեջանական զինուժի կրակոցների հետևանքով հայկական կողմի զոհերի թիվը հասել է 4-ի. «Քանի Նիկոլ Փաշինյանն իշխելու է այս պետությունում, ունենալու ենք զոհեր: Ցավակցում եմ ոչ միայն զոհերի հարազատներին, այլև՝ մեր պետությանն ու բանակին: Միակ լուծումը, որ չզոհվենք ու չփոքրանանք, Փաշինյանի հեռացումն է»,- ասաց նա:

Դահլիճից հնչեց ՔՊ-ականների արձագանքը: Հակոբյանը հորդորեց «խելոք մնալ»: Ավինյանը հայտարարեց. «Պարոն Հակոբյան, կոռեկտության սահմանները մի՛ անցեք, խոսեք քննարկվող հարցի մասին: Սա ԱԺ ամբիոնը չէ»:

Մանրամասն՝ տեսանյութում։