կարևոր
1738 դիտում, 4 ամիս առաջ - 2024-02-08 13:47
Քաղաքական

ՌԴ-ն ՀՀ-ին կոչ է արել քննադատության փոխարեն սկսել քննարկել իրավիճակը ՀԱՊԿ-ում

ՌԴ-ն ՀՀ-ին կոչ է արել քննադատության փոխարեն սկսել քննարկել իրավիճակը ՀԱՊԿ-ում

Ռուսաստանը կոչ է անում Հայաստանին հրապարակային ելույթների և քննադատության փոխարեն սկսել քննարկել ՀԱՊԿ-ում ստեղծված իրավիճակը, РИА Новости-ին տված հարցազրույցում ասել է ՌԴ փոխարտգործնախարար Ալեքսանդր Պանկինը։

«Մենք բոլորս շահագրգռված ենք ՀԱՊԿ-ի գործունեության հետագա բարելավմամբ։ Իհարկե, դրան կնպաստեր Հայաստանի շուտափույթ վերադարձը կազմակերպության ներսում բնականոն և լիարժեք աշխատանքի։ Ցավոք սրտի, մեր հայ դաշնակիցները մինչ այժմ իսկապես հեռու են մնացել դրանից»,- ասել է դիվանագետը։

«Մենք կոչ ենք անում Երևանի մեր գործընկերներին, կազմակերպության հասցեին հրապարակային էմոցիոնալ հարձակումների և քննադատության փոխարեն, սկսել հրատապ հարցերի քննարկումը քաղաքական և փորձագիտական ​​մակարդակներում», - ընդգծել է Պանկինը:

Մոսկվան ելնում է նրանից, որ ՀԱՊԿ շրջանակներում Հայաստանի հետ փոխադարձ հարգալից երկխոսության շարունակումը համապատասխանում է անվտանգության ոլորտում Երևանի շահերին և ծառայում է եվրասիական տարածքում, այդ թվում՝ հարավկովկասյան տարածաշրջանում խաղաղության և կայունության պահպանմանը։