ՀԱՊԿ-ում ՀՀ մշտական ներկայացուցիչը և Նիկոլայ Բորդյուժան անդրադարձել են ՀԱՊԿ-ում ՀՀ նախագահության առաջնայնություններին

ՀԱՊԿ-ում ՀՀ մշտական ներկայացուցիչ Դավիթ Վիրաբյանը հոկտեմբերի 3-ին հանդիպել է ՀԱՊԿ գլխավոր քարտուղար Նիկոլայ Բորդյուժային: 
Այս մասին  տեղեկացնում են ՀՀ արտաքին գործերի նախարարության մամուլի, տեղեկատվության և հասարակայնության հետ կապի վարչությունից:
Հանդիպմանը զրուցակիցները քննարկել են  հոկտեմբերին Երևանում կայանալիք ՀԱՊԿ Հավաքական անվտանգության խորհրդի և կազմակերպության կանոնադրական մարմինների նիստերի նախապատրաստական աշխատանքները:

Դավիթ Վիրաբյանը և Նիկոլայ Բորդյուժան անդրադարձել են ՀԱՊԿ-ում Հայաստանի նախագահության առաջնայնություններին և դրանց իրագործման ընթացքին:
ՀԱՊԿ գլխավոր քարտուղարը գոհունակություն է հայտնել կազմակերպությունում Հայաստանի ակտիվ ներգրավվածության և նրա արդյունավետության բարձրացմանն ուղղված ջանքերի կապակցությամբ` ընդգծելով նախագահության ընթացքում գրանցված արդյունքները: