կարևոր
3358 դիտում, 3 ամիս առաջ - 2024-02-03 16:01
Աշխարհ

Զախարովայի խոսքերի պատճառով ՌԴ դեսպանը կանչվել է Հարավային Կորեայի ԱԳՆ

Զախարովայի խոսքերի պատճառով ՌԴ դեսպանը կանչվել է Հարավային Կորեայի ԱԳՆ

Կորեայի Հանրապետության արտաքին գործերի նախարարությունը կանչել է ՌԴ դեսպանին՝ բողոքելու ՌԴ ԱԳՆ պաշտոնական ներկայացուցիչ Մարիա Զախարովայի՝ Կորեական թերակղզում աճող լարվածության պատճառների մասին խոսքերի առնչությամբ։ Այս մասին հայտնել է Կորեայի Հանրապետության արտաքին գործերի նախարարությունը, գրում է ТАСС-ը։

Տեղեկատվության համաձայն՝ դեսպանին փոխանցվել է բողոքի նոտա։

Կորեայի Հանրապետության արտաքին գործերի նախարարի կարծիքով՝ նման հայտարարությունները «միայն կվատթարացնեն երկկողմ հարաբերությունները»։

Ավելի վաղ Զախարովան ասել էր, որ Հարավային Կորեայի նախագահ Յուն Սոկ Յոլի հռետորաբանությունը ԿԺԴՀ-ի նկատմամբ նպատակ ունի քողարկել երկրի ագրեսիվ պլանները Հյուսիսային Կորեայի նկատմամբ և այդ հռետորաբանությունը զազրելի է ԱՄՆ-ի հետ զորավարժություններին Սեուլի մասնակցության ֆոնին: