ՌԴ դեսպանի տեղակալը կանչվել է Հարավային Կորեայի ԱԳՆ

Հարավային Կորեայում ՌԴ դեսպանի տեղակալին կանչել են երկրի ԱԳՆ` կապված Ճապոնական ծովում Մոսկվայի և Սեուլի միջև տեղի ունեցած միջադեպի հետ. հայտնում է РИА Новости-ն:

Հիշեցնենք, որ Կորեայի համաձայն` ռուսական ռազմական օդանավերը խախտել են երկրի օդային սահմանը Տոկտո կղզիների տարածքում: ՌԴ ՊՆ-ն հերքել է այդ տեղեկությունը:

«Տոկտո կղզու շրջանում ռուսական օդանավերին մոտեցել են հարավկորեական երկու Ֆ-16 կործանիչները և ոչ պրոֆեսիոնալ մանևրներ կատարել` սպառնալիք ստեղծելով ռուսական օդանավերի անվտանգության համար»,- հայտնել է ՌԴ ՊՆ-ն:

Տեղեկության համաձայն` հարավկորեական օդաչուները Տու-95մս-ի հետ կապ չեն հաստատել և մանևրներից հետո հեռացել են: