կարևոր
1651 դիտում, 2 ամիս առաջ - 2024-01-25 18:25
Հասարակություն

Զոհված զինծառայողների ծնողներին «Եռաբլուրից» ուժի կիրառմամբ բերման ենթարկելու գործը կվերաբացվի․ դատարանը բավարարել է բողոքը

Զոհված զինծառայողների ծնողներին «Եռաբլուրից» ուժի կիրառմամբ բերման ենթարկելու գործը կվերաբացվի․ դատարանը բավարարել է բողոքը

ՀՀ հակակոռուպցիոն դատարանը՝ նախագահությամբ դատավոր Մերի Մոսինյանի բավարարեց «Եռաբլուրի գործով» ոստիկանների նկատմամբ հանրային քրեական հետապնդում չհարուցելու դեմ իմ կողմից ներկայացված բողոքը և վերացրեց ՀՀ գլխավոր դատախազության հիշյալ որոշումը: Այս մասին գրել է փաստաբան Վահան Հովհաննիսյանը:

Հիշեցնենք, որ 2022թ. սեպտեմբերի 21-ին՝ ՀՀ Անկախության օրը՝ «Եռաբլուր»-ում վարչապետ Փաշինյանի ճանապարհը փակած զոհվածների ծնողներին ուժով բերման ենթարկելու գործը ավելի քան մեկ տարվա քննությունից հետո կարճվել է: Ոստիկանների գործողություններում իրավապահները հանցակազմ չեն գտել և դատախազությունը որոշել է քրեական հետապնդում չհարուցել նրանց նկատմամբ։

Մինչդեռ այս միջադեպից հետո քաղհասարակության ներկայացուցիչները պահանջել էին Հայաստանի ոստիկանապետի հրաժարականը՝ պնդելով, որ կառույցը չի բարեփոխվում։