կարևոր
2818 դիտում, 8 ամիս առաջ - 2023-09-20 01:28
Հասարակություն

Ոստիկանները բիրտ ուժի կիրառմամբ բերման են ենթարկում փողոց դուրս եկած քաղաքացիներին

Կառավարության շենքի դիմաց իրավիճակը շարունակում է լարված մնալ։ Ոստիկանները ցուցարարներին թույլ չեն տալիս վրաններ տեղադրել Հանրապետության հրապարակում, որպեսզի գիշերեն այնտեղ։ 

Քաղաքացիների և կարմիր բերետավորների միջև պարերաբար բախումներ են տեղի ունենում։

Ոստիկանները սկսեցին բերման ենթարկել արդեն ժամեր շարունակ ակցիա իրականացնող ակցիայի մասնակիցներին:

Նշենք, որ Կառավարության մոտ հավաքված քաղաքացիները պահանջում են Նիկոլ Փաշինյանի հրաժարականը: Տարածքում մեծաքանակ ոստիկանական ուժեր են կուտակված։ Ոստիկանները՝ վահաններով զինված, մի քանի շարքով պատ են կազմել կառավարության շենքի մուտքի դիմաց։