կարևոր
24874 դիտում, 3 ամիս առաջ - 2023-12-29 13:51
Քաղաքական

ՀՅԴ-ին թիրախավորելու փոխարեն ավելի լավ է պետության անվտանգության մասին մտածեք․ Մհեր Մելքոնյանը՝ ՔՊ-ականին

ՀՅԴ-ին թիրախավորելու փոխարեն ավելի լավ է պետության անվտանգության մասին մտածեք․ Մհեր Մելքոնյանը՝ ՔՊ-ականին

Շիրակի մարզը ներկայացնող ՔՊ-ական Կարեն Սարուխանյանի համար անբարոյականությունն ու սուտը վաղուց դառել են գործելաոճի կարևորագույն և հարազատ մասնիկ։

Երեկ սույն էժանագին տասովչիկը,հարցազրույցի ընթացքում Արցախի հանձնման համար մեղադրեց Դաշնակցությանը։

ՀՀ-ում իշխանությունը զավթելուց հետո այս հայրենավաճառ երիտասարդը, որն ինչ-ինչ հանգամանքների բերումով և վարչապետի աթոռը զավթած անձի շնորհիվ դարձավ Շիրակի մարզպետ, պատգամավոր և փոխնախարար, իր գործունեության ընթացքում այդպես էլ ոչ մի լուրջ բանով աչքի չընկավ։

Էս դատարկության միակ նվաճումը պաշտոնավարման ընթացքում եղավ բարեկամ, խնամի, ծանոթներին աշխատանքի տեղավորելը,ինչպես նաև մարզի համայնքների «ազատագրումը»։

Վստահ եմ, որ ՀՀ-ում ազգային իշխանություն հաստատվելուց հետո իրավապահ մարմիններն իրենց գնահատականը կտան Ախուրյանում տեղի ունեցած հակաօրինական իշխանազավթմանը։

Մի խորհուրդ պարոն ոչինչ, Հայ Յեղափոխական Դաշնակցությանը մեղադրելու և թիրախավորելու փոխարեն ավելի լավ է պետության անվտանգության մասին մտածեք և մի քիչ էլ տղամարդկություն ունեցեք պատասխանել ՀՀ-ի թշնամի երկրի ղեկավարի սպառնալիքներին:

Ի տարբերություն ձեզ՝ պարոն Սարուխանյան, դաշնակցականները հայրենի հող չեն վաճառել և 133 տարիների ընթացքում զենքը ձեռքին են ապացուցել Հայրենիքին ծառայելու անմնացորդ նվիրվածությունը:

Չնայած դա դուք չեք էլ հասկանա․․․․

 

Մհեր Մելքոնյան

ՀՅԴ Շիրակի Մարզային կոմիտեի ներկայացուցիչ,

ԱԺ «Հայաստան» խմբակցության պատգամավոր