կարևոր
1189 դիտում, 3 ամիս առաջ - 2023-11-27 16:45
Քաղաքական

Վագիֆ Խաչատրյանի դատավճիռը բեկանելու համար բողոք է ներկայացվել Ադրբեջանում

Վագիֆ Խաչատրյանի դատավճիռը բեկանելու համար բողոք է ներկայացվել Ադրբեջանում

Ադրբեջանի կողմից ապօրինաբար առևանգված, կալանավորված, ապա կեղծ դատավարության արդյունքում 15 տարվա ազատազրկման դատապարտված արցախցի Վագիֆ Խաչատրյանի քրեական գործով դատարանի որոշման դեմ բողոք է ներկայացվել Վերաքննիչ դատարան։ Այս մասին հայտնել է նրա փաստաբան Ռադմիլա Աբիլովան՝ ի պատասխան Report-ի խնդրանքի։

Նրա խոսքով, Խաչատրյանի նկատմամբ կայացված դատավճիռը բեկանելու վերաբերյալ բողոք է ներկայացվել Բաքվի վերաքննիչ դատարան։

«Խաչատրյանին տեսել եմ նոյեմբերի 24-ին։ Նա առողջական խնդիրներ չունի։ Ես նրան բացատրեցի իր բոլոր իրավունքները»,-նշել է փաստաբանը։

Հիշեցնենք, որ Ադրբեջանը 68-ամյա արցախցուն մեղադրել է «Խոջալուի շրջանի Մեշալի գյուղում ապօրինի հայկական զինված կազմավորումների կազմում ցեղասպանությանը մասնակցելու մեջ»։