Լեռնային Ղարաբաղում հրադադարի ռեժիմի հինգ խախտում է գրանցվել․ ՌԴ ՊՆ

Լեռնային Ղարաբաղում մարտական գործողությունների դադարեցման մասին պայմանավորվածության կնքումից ի վեր արձանագրվել է հրադադարի ռեժիմի հինգ խախտում, ասվում է ՌԴ Պաշտպանության նախարարության տեղեկագրում:

«Մարտական գործողությունների դադարեցման պայմանավորվածության կնքումից ի վեր արձանագրվել է հրադադարի ռեժիմի հինգ խախտում՝ Շուշիի շրջանում՝ երկուսը, Մարտակերտի շրջանում՝ երեքը», - ասված է հաղորդագրության մեջ:

Ինչպես նշվում է, Լեռնային Ղարաբաղում խախտումների փաստով ընթանում է ռուսական խաղաղապահ զորակազմի քննությունը՝ ադրբեջանական կողմի հետ փոխգործակցությամբ: Պահպանվում է նաև Բաքվի և Ստեփանակերտի հետ շարունակական փոխգործակցությունը՝ ուղղված արյունահեղության կանխմանը, անվտանգության ապահովմանը և խաղաղ բնակչության նկատմամբ մարդասիրական իրավունքի նորմերի պահպանմանը:

Նշվում է, որ ռուսական խաղաղապահ զորակազմի տեղակայման վայրում շարունակում է մնալ 1340 խաղաղ բնակիչ, այդ թվում՝ 607 երեխա, որոնք ներկայումս հնարավորություն չունեն վերադառնալ իրենց տները: Կազմակերպվել է նրանց տեղավորումը, սնունդը և բժշկական օգնության տրամադրումը: