կարևոր
3073 դիտում, 11 ամիս առաջ - 2023-08-09 15:23
Քաղաքական Արցախ

Օրհասական պահին ստանձնել այդչափ պատասխանատու պաշտոնը՝ արժանի է գնահատանքի. Արամ Սարգսյանը՝ Դավիթ Իշխանյանին

Օրհասական պահին ստանձնել այդչափ պատասխանատու պաշտոնը՝ արժանի է գնահատանքի. Արամ Սարգսյանը՝ Դավիթ Իշխանյանին

Հայաստանի Դեմոկրատական կուսակցության նախագահ Արամ Սարգսյանը շնորհավորական ուղերձ է հղել Դավիթ Իշխանյանին՝ ԱՀ ԱԺ նախագահի պաշտոնում ընտրվելու կապակցությամբ: Հայտարարության մեջ մասնավորապես նշված է.

«Ընդունեք մեր ջերմ մաղթանքները Արցախի Հանրապետության Ազգային ժողովի նախագահ ընտրվելու առիթով: Այս օրհասական պահին ստանձնել այդչափ պատասխանատու պաշտոնը՝ արժանի է գնահատանքի:

Հայաստանի Դեմոկրատական կուսակցությունը իր 32 տարվա պատմությամբ հաստատել է, որ իրավական, քաղաքական ոլորտում իր ակտիվ գործունեությամբ նպաստել է Արցախի հիմնահարցի միջազգայնացմանը, ներքին կյանքում ակցիաներ կազմակերպելով, հստակ դիրքորոշումներ և առաջարկներ ներկայացնելով:

Այսօր էլ, համակարգելով «Միասին» այլընտրանքային հասարակական-քաղաքական շարժման խորհրդի աշխատանքը, ներկայացրել ենք մի շարք հայեցակարգային և պրակտիկ բնույթի առաջարկներ: Պատրաստ ենք համագործակցել՝ միասին, ազգովի դիմագրավելու թշնամու ցեղասպանական գործողություններին և հաղթանակով դուրս գալ այս վիճակից հանուն Արցախի ազատության, մայր Հայրենիքի հետ վերամիավորման համար»,- նշվում է ուղերձում: