կարևոր
6481 դիտում, 6 ամիս առաջ - 2023-08-07 18:58
Արցախ Հասարակություն

Ուժերիս ներածի չափով և նույնիսկ ավելին պատրաստ եմ սատարել Դավիթ Իշխանյանին. Հրանտ Մելիք-Շահնազարյան

Ուժերիս ներածի չափով և նույնիսկ ավելին պատրաստ եմ սատարել Դավիթ Իշխանյանին.  Հրանտ Մելիք-Շահնազարյան

ՀՅԴ Բյուրոյի անդամ Դավիթ Իշխանյանն այսօր ընտրվել է Արցախի Հանրապետության ԱԺ նախագահի պաշտոնում։ Վերջապես հայկական երկրորդ պետության իշխանության մեջ իսկական նվիրյալ և բանիմաց մարդ ի հայտ եկավ։ Գիտեմ, որ այս թեման երկար է քննարկվել քաղաքական շրջանակներում։ Տեղյակ եմ նաև, որ այս քայլը շատ դժվար է տրվել գործընթացում ներգրավված բոլոր կողմերին։ Բայց թերևս այս որոշումն ամենադժվարը հենց Դավիթ Իշխանյանի համար է եղել։ Որովհետև այն, ինչն այսօր ստանձնել է Իշխանյանը, պաշտոն չէ։ Ոչ էլ դիրք և ոչ ազդեցություն։ Դա շատ ծանր բեռ է, որն ամեն մեկը չի կարող կրել։

Իշխանյանին ես վաղուց եմ ճանաչում։ Մի քանի օր առաջ խոսել եմ նրա հետ և վստահեցրել, որ ուժերիս ներածի չափով և նույնիսկ ավելին պատրաստ եմ սատարել իրեն, լինել իր կողքին և ամեն ինչ անել, որպեսզի իր առջև դրված նպատակներն իրականություն դառնան։ Իմ ընկալման մեջ Դ. Իշխանյանը և նրա պես մարդիկ Արցախի՝ ստեղծված իրավիճակից դուրս գալու շանսն են։ Եվ շատ կարևոր է, որպեսզի թե՛ Արցախի մեր հայրենակիցները և թե՛ մենք բոլորս ամուր պահենք նրանց թիկունքը։

Տեսնում եմ, որ Ադրբեջանի հետ երկխոսելու և Ադրբեջանին ինտեգրվելու կողմնակիցների ոհմակն արդեն վնգստում է իրական դաշնակցականի ընտրվելու առիթով։ Թող Աստված ուժ ու կարողություն տա արցախցիներին, որպեսզի մոտ ապագայում այդ վնգստացողներին միանան նաև իրենց՝ Երևանի ու Բաքվի իշխանական կաբինետներում վեր ընկած տերերը։

Հրանտ Մելիք-Շահնազարյան

«Ոսկանապատ» վերլուծական կենտրոնի հիմնադիր,

քաղաքագետ