Թուրքերենով հրատարակվել է Աշոտ Գրիգորյանի «Ինտերիերի և էքստերիերի ճարտարապետությունը Պալյանների ստեղծագործություններու» գիրքը

Ստամբուլում թուրքերենով լույս է տեսել ճարտարապետության դոկտոր, պրոֆեսոր Աշոտ Գրիգորյանի «Ինտերիերի և էքստերիերի ճարտարապետությունը Պալյանների ստեղծագործություններում» աշխատությունը։ Գիրքը թուրքերեն է թարգմանել Մուրազ Սարանգիլը, իսկ տպագրել թուրքական «Ինքըլափ» հրատարակչատունը։

Այդ մասին հայտնում է Akunq.net-ը՝ վկայակոչելով թուրքական աղբյուրները։

Ըստ աղբյուրի՝ մենագրությունը հիմնված է Պալյան գերդաստանի մասին արխիվային նյութերի վրա։ Հեղինակը Ստամբուլում կատարած ուսումնասիրությունների և արխիվային նյութերի լույսի ներքո ներկայացնում է Պալյանների հարուստ ճարտարապետական ժառանգությունը, ինչպես նաև՝ նրանց թողած ազդեցությունը ոչ միայն օսմանյան, այլ նաև՝ հայկական մշակույթի վրա։

Գիրքը նախատեսված է հայկական ճարտարապետությամբ և ընդհանրապես հայկական մշակույթով հետաքրքրված լայն զանգվածների համար։

Թարգմանեց Մելինե Անումյանը

Akunq.net