Ահազանգում են՝ գրեթե ամբողջությամբ ցամաքել է Արցախի Սարսանգի ջրամբարը․ Նաիրի Հոխիկյան

Մեդիափորձագետ Նաիրի Հոխիկյանը գրում է.

««Հայկական Ալիքը» ահազանգում է, որ գրեթե ամբողջությամբ ցամաքել է Արցախի Սարսանգի ջրամբարը։ Սա նշանակում է ոչ միայն բնապահպանական աղետ, այլև Արցախին մատակարարվող էլեկտրաէներգիայի համատարած անջատումներ, ինչը իր հետ բերելու է այլ խնդիրների։

Ես հասկանում եմ Ադրբեջանի նպատակները՝ ստիպել, որպեսզի Արցախ էլեկտրաէներգիա և գազ մտնի Ադրբեջանից։ Դա ևս մեկ ճնշման լծակ կլինի թշնամու ձեռքին։

ՀՀ ոլորտային գերատեսչություններին հարցումներ եմ ուղարկել Սյունիքի մարզից դեպի Ստեփանակերտ նոր էլեկտրագծի կառուցման ընթացքի և ժամկետների մասին։ Սա մեր ամենափոքր պատասխանն է Ադրբեջանին, դրան զուգահեռ կան այլ գործոններ, որոնք պետք է օգտագործենք և զսպենք թշնամուն»։