2007-ին Թուրքիայի քիթը կջարդեին՝ Ադրբեջանի հետ բանակցություններում մի վայրկյան քիթը խոթելու համար. Գեղամ Մանուկյան

Ադրբեջանական ագրեսիան Արցախի դեմ նոր սահմաններ է անցել, Հակարի կամրջի վրա Ադրբեջանը դրել է ամբողջական հենակետ եւ բազմաթիվ մեր հայրենակիցներ այս օրերին ականատես էին լինում ՀՀ իշխանմությունների լռության պայմաններում, թե ինչպես է շարունակվում ադրբեջանական կլանումն ու օկուպացիան: Այս մասին ԱԺ-ում հայտարարեց ԱԺ «Հայաստան» խմբակցության պատգամավոր Գեղամ Մանուկյանը:

«Գաղտագողին այն է, երբ բանակցություններից հետո մեկ էլ ԱՄՆ-ի պետդեպարտամենտն ասում է, որ քննարկման կետեից մեկը երկու երկրների էթնիկ փոքրամասնությունների իրվունքի հարցն է: գաղտագողին արցախահայությունը Ադրբեջանում էթնիկ փոքրամասնությունն է, գաղտագողին այն է, որ Արայիկ Հարությունյան-Նիկոլ Փաշինյան դավաճանական  տանդեմով օրինականացրեցին ադրբեջանական անցակետը՝ արցախահայերին տանել-բերելով այդ մաքսակետով, ամբողջ աշխարհին ասելով, որ սահմաններով կարող են նորմալ անցնել»,-ասաց նա:

Գեղամ Մանուկյանն անդրադարձավ նաեւ նրան, որ այդ բանակցություններին հայկական կողմից մասնակցում է նաեւ ԱԺ փոխնախագահ Ռուբեն Ռուբինյանը. «Ռուբեն Ռուբինյանը Թուրքիայի հետ բանակցող է, գնում է Ադրբեջանի հետ բանակցությունների, որով Ադրբեջան-Թուրքիա հարաբերությունները բերել շաղկապել է: 2007-ին էլ քիթը կջարդեին Թուրքիայի՝ Ադրբեջանի հետ բանակցություններում մի վայրկյան քիթը խոթելու համար»,-ընդգծեց նա: