19 04 2024
|
||
---|---|---|
EUR | ⚊ | 420.75 |
GBP | ⚊ | 491.72 |
GEL | ⚊ | 147.57 |
RUB | ⚊ | 4.19 |
USD | ⚊ | 394.07 |
ԱԺ «Հայաստան» խմբակցության պատգամավոր Քրիստինե Վարդանյանը գրում է.
«Սոցիալական ցանցերում «Մեր տեղը չենք զիջելու որևէ մեկին» նկարագրությամբ տարածվող նյութը արդյունք է դեկտեմբերի 5-ին «24News» տաղավարում ՀՅԴ Հայաստանի Գերագույն մարմնի ներկայացուցիչ, ՀՀ ԱԺ «Հայաստան» խմբակցության պատգամավոր Իշխան Սաղաթելյանի հնչեցրած տեսակետների կամայական ու համատեքստից անջատված մեկնաբանության. հարցազրույցի ընթացքում նման տեսակետ չի հնչել:
Նյութի վերտառությանը ծանոթանալուց անմիջապես հետո ՀՅԴ Հայաստանի Գերագույն մարմնի Հանրային կապերի գրասենյակից կապ են հաստատել լրատվամիջոցի հետ, որի արդյունքում փոխվել է ԶԼՄ կայքում նյութի վերնագիրը, սակայն սոցիալական ցանցերում այն շարունակվում է տարածվել այս տեսքով:
Օգտվելով առիթից ևս մեկ անգամ վերահաստատում ենք բարձրացված հարցի շուրջ ՀՅԴ անփոփոխ տեսակետը. պատրաստ ենք ամեն կերպ աջակցել ապազգային իշխանությունների դեմ իրական պայքար մղող ուժերին և գործիչներին»: