19 04 2024
|
||
---|---|---|
EUR | ⚊ | 418.04 |
GBP | ⚊ | 488.12 |
GEL | ⚊ | 147.13 |
RUB | ⚊ | 4.21 |
USD | ⚊ | 392.6 |
ՊՊԾ-ի ղեկավար Սարգսի Հովհաննիսյանի կողմից MediaHub.am-ի լրագրողի և օպերատորի գործունեությունը խոչընդոտելու դեպքով քրեական վարույթ նախաձեռնելու պահանջով դատարան բողոք կներկայացվի։ Արսեն Բաբայանը ֆեյսբուքյան գրառում է կատարել՝ նշելով.
«ՊՊԾ-ի ղեկավար Սարգսի Հովհաննիսյանի կողմից MediaHub.am-ի լրագրողի և օպերատորի գործունեությունը խոչընդոտելու գործի ընթացքը
2022 թվականի մայիսի 2-ին, ինչպես հիշում եք, Երևան քաղաքի Բաղրամյան պողոտայի և Պռոշյան փողոցի հատման խաչմերուկում ՊՊԾ ղեկավար Սարգիս Հովհաննիսյանը և մի խումբ ՊՊԾ ծառայողներ առերևույթ խոչընդոտել էին MediaHub.am լրատվական կայքի ներկայացուցիչներ Նարե Գևորգյանի և Արման Ղարաջյանի մասնագիտական օրինական գործունեությունը, որի վերաբերյալ «Իրազեկ քաղաքացիների միավորում» ՀԿ-ն հանցագործության մասին հաղորդում էր ներկայացրել։
ՀՀ քննչական կոմիտեի Երևան քաղաքի քննչական վարչության ծանր հանցագործությունների քննության բաժնի ՀԿԳ ավագ քննիչը 2022 թվականի հունիսի 6-ին որոշում է ընդունել մերժել քրեական գործ հարուցելը։ Նշված որոշումը մեր կողմից բողոքարկվել էր Երևան քաղաքի դատախազին, պահանջել էինք, որպեսզի դատախազը վերացնի քննիչի որոշումը և հարուցի քրեական գործ։ Երևան քաղաքի դատախազը քննության առնելով բողոքը՝ 2022 թվականի սեպտեմբերի 12-ի որոշմամբ այն մերժել է։ Քննիչը և դատխազը գտնում են, որ լրատվական կայքի ներկայացուցիչների գործունեությունն օրինական չի եղել։
Սույն գործով պատրաստվում ենք դիմել դատական պաշտպանության։
Դատախազին հասցեագրված բողոքի բովանդակությանը կարող եք ծանոթանալ 1-ին մեկնաբանությունում»։