Թուրքիան Ֆինլանդիային և Շվեդիային կոչ է արել երաշխիքներ տալ ՆԱՏՕ-ին անդամակցելուց առաջ

Թուրքիան պետք է գրավոր երաշխիքներ ստանա Ֆինլանդիայից և Շվեդիայից, նախքան ՆԱՏՕ-ին անդամակցելու համաձայնություն ստանալը, որ նրանք չեն աջակցելու ահաբեկիչներին․ ըստ Hurriyet-ի՝ հայտարարել է Թուրքիայի արտգործնախարար Մևլութ Չավուշօղլուն։

«Շվեդիան և Ֆինլանդիան պետք է դադարեցնեն աջակցությունը ահաբեկիչներին։ Մենք նրանցից գրավոր համաձայնություն ենք ուզում կոնկրետ քայլերի վերաբերյալ։ Շվեդիան և Ֆինլանդիան պատվիրակություններ ուղարկեցին մեզ մոտ, և մեր նախագահն ընդունեց այս առաջարկը»,- ասել է նա։

Չավուշօղլուն ընդգծել է, որ պատվիրակությունները բանակցություններ կանցկացնեն Անկարայում, և թուրքական կողմը պահանջներ կներկայացնի Քուրդիստանի աշխատավորական կուսակցության (PKK) «ահաբեկիչների» և պաշտպանական պատժամիջոցների վերացման վերաբերյալ։ Նախարարը չի բացառել նաեւ, որ եռակողմ հանդիպումից հետո կարող է քառակողմ հանդիպում կայանալ՝ ՆԱՏՕ-ի գլխավոր քարտուղար Իենս Ստոլտենբերգի մասնակցությամբ։