կարևոր
3727 դիտում, 1 տարի առաջ - 2023-01-09 14:11
Աշխարհ Տարածաշրջան

ՆԱՏՕ-ի գլխավոր քարտուղարը Թուրքիային կոչ է արել հավանություն տալ Շվեդիայի հայտին

ՆԱՏՕ-ի գլխավոր քարտուղարը Թուրքիային կոչ է արել հավանություն տալ Շվեդիայի հայտին

Ժամանակն է, որ Անկարան վավերացնի Ստոկհոլմի՝ ՆԱՏՕ-ին անդամակցելու հայտը։ Այս կարծիքը SVT հեռուստաալիքին տված հարցազրույցում հայտնել է Հյուսիսատլանտյան դաշինքի գլխավոր քարտուղար Յենս Ստոլտենբերգը։

«Կարծում եմ, որ այժմ դիմումը պետք է հաստատվի, և ես դա արտահայտել եմ Ստամբուլում՝ նախագահի և Թուրքիայի ղեկավարության հետ զրույցներում»,- ասել է նա։

Ստոլտենբերգը բացատրել է, որ և՛ Շվեդիան, և՛ Ֆինլանդիան արդեն կատարել են անցյալ հուլիսին Մադրիդում ՆԱՏՕ-ի գագաթնաժողովում Թուրքիայի հետ ձեռք բերված պայմանավորվածությունը։

Դաշինքի գլխավոր քարտուղարը հույս ունի և կարծում է, որ Անկարան շուտով կվավերացնի Ստոկհոլմի դիմումը, սակայն չգիտի, թե երբ Թուրքիայի խորհրդարանը կհայտարարի համապատասխան որոշումը։