Եղիսաբեթ II թագուհին բաց կթողնի Բուքինգհեմյան պալատում ամառային ընդունելությունները

Եղիսաբեթ II թագուհին բաց կթողնի Բուքինգհեմյան պալատում ամառային ընդունելությունները։ 

«Այս տարի Նորին Մեծություն թագուհին կներկայացվի  երեկույթներին թագավորական ընտանիքի այլ անդամների կողմից, եւ նրանց մասնակցության մանրամասները կհայտարարվեն ժամանակին»,-ասվում է Բուքինգհեմյան պալատի հայտարարության մեջ: Պետության ղեկավարի պաշտոնական նստավայրում հաջորդ շաբաթ պետք է սկսվեն ամառային ընդունելությունները: Ամենամյա երեք երեկույթ տեղի է ունենում Բուքինգհեմյան պալատի այգիներում եւ մեկը՝ Շոտլանդիայի Հոլիրուդ պալատում: Ավանդույթը ներդրվել է 19-րդ դարի կեսերին Վիկտորյա թագուհու կողմից (1819-1901 թթ.), նա նախաճաշեր է կազմակերպել վերնախավի համար։

Վերջերս 96-ամյա Եղիսաբեթ 2-րդ թագուհին, ով անցյալ տարվա հոկտեմբերին առաջին անգամ ձեռնափայտով հայտնվեց հանրության առաջ, շարժունակության հետ կապված խնդիրներ ուներ։ Նա բաց է թողել մի քանի պաշտոնական միջոցառումներ։ Այնուամենայնիվ, նա շարունակում է կազմակերպել առցանց լսարաններ, եւ անցյալ շաբաթ ընդունեց Շվեյցարիայի նախագահ Ինյացիո Կասիսին Լոնդոնի մոտ գտնվող Վինձոր ամրոցում: