Եղիսաբեթ Երկրորդ թագուհին Instagram-ում իր առաջին հրապարակումն է արել

Մեծ Բրիտանիայի թագուհի Եղիսաբեթ Երկրորդը թագավորական ընտանիքի ինստագրամյան էջում մի քանի լուսանկարներ է հրապարակել, որոնք ուղեկցվում են թագուհու գրառումներով։

Լուսանկարներից մեկում պատկերված է արխիվային նամակ. այն 1843 թվականին գյուտարար Չարլզ Բեբիջը գրել է արքայազն Ալբերտին, որը ներկայիս թագուհու նախապապն է։ Նամակում խոսվում է «Ատլանտյան շարժիչի» մասին, որի հիման վրա հետագայում ստեղծվեցին առաջին համակարգչային ծրագրերը։

«Այսօր ես հաճույք ունեցա տեղեկանալու երեխաների՝ համակարգչային կոդավորման նախաձեռնությունների մասին։ Տեղին եմ համարում հրապարակել այս նամակը, որը երկար ժամանակ ոգեշնչել է տարբեր սերունդների գիտնականների և գյուտարարների»,- գրված է լուսանկարին կից։

Հավելենք, որ @theroyalfamily  ինստագրամյան էջը բացվել է դեռևս 2013 թվականին: Այն ներկայումս այն ունի ավելի քան 4,6 մլն հետևորդ։