Անարդար է, որ Ուկրաինան դաշնակիցներից դեռ պահանջում է պահեստներում եղածը. Զելենսկի

Ուկրաինայի նախագահ Վլադիմիր Զելենսկին անարդար է համարել, որ Ուկրաինան ստիպված է դաշնակիցներից զենք խնդրել, որը նրանք պահում են պահեստներում։ Նա դաշնակիցների բարոյական պարտքն է համարել ուկրաինացի ժողովրդի ազատության պաշտպանությունը։ Այս մասին ասվում է Ուկրաինայի նախագահի հայտարարության մեջ։

«Առաջնորդների հետ յուրաքանչյուր շփման ժամանակ ես շեշտում եմ մեկ ճշմարտություն՝ անարդար է, որ Ուկրաինան դեռ ստիպված է խնդրել այն, ինչ մեր գործընկերները տարիներ շարունակ պահել են պահեստներում։ Եթե նրանք ունեն այն զենքը, որն անհրաժեշտ է այստեղ և հիմա, եթե ունեն զինամթերք, որն անհրաժեշտ է այստեղ և հիմա, ապա նրանց բարոյական պարտքն է օգնել պաշտպանել ազատությունը, օգնել փրկել հազարավոր ուկրաինացիների կյանքը»,- ասել է Զելենսկին: