Ոչինչ էլ չեն հիմնավորել, գումարներ են հրապարակում՝ ըստ ցանկությունների. փաստաբան

Աղվան Հովսեփյանի փաստաբանական խմբի անդամ Երեմ Սարգսյանը հրավիրված մամուլի ասուլիսում հայտնեց, որ Աղվան Հովսեփյանի գործով նախաքննության ավարտից հետո վերցրել են գործի նյութերը, պարզվել է՝ մաս են անջատել։

Անդրադառնալով դատախազության հայտարարություններին, թե կալանք են դրել Աղվան Հովսեփյանի հաշիվներին՝ 6.8 մլրդ դրամի չափով, Սարգսյանը նախ խորհուրդ տվեց, թող հայտարարեն 10 միլիարդ, ավելի հնչեղ է, ապա հարց հնչեցրեց՝ այդ ինչպե՞ս են հաշվել։

«Կալանք են դրել նույնիսկ Աղվան Հովսեփյանի թոշակի վրա։ Չգիտե՞ն նախաքննական մարմինն ու դատախազությունը, որ թոշակի վրա կալանք դնելու իրավունք չունեն։ Աղվան Հովսեփյանի որդիների բոլոր գույքերի, հաշիվների վրա կալանք է դրված»,-ասաց Սարգսյանը։

Մանրամասն՝ տեսանյութում։