Ռուսաստանը կվերանայի իր դիրքորոշումը Սև ծովում «Մոսկվա»-ի խոցումից հետո. բրիտանական հետախուզություն

Երկու հիմնական ռազմածովային օբյեկտների կորուստը կարող է ստիպել Ռուսաստանին՝ վերանայել իր դիրքորոշումը Սև ծովում. ասվում է Մեծ Բրիտանիայի պաշտպանության նախարարության նոր զեկույցում:

Նախարարությունն ընդգծել է, որ «Մոսկվա» հածանավը, լինելով Ռուսաստանի Սևծովյան նավատորմի դրոշակակիր, առանցքային դեր է խաղացել՝ որպես հրամանատարական նավ և հակաօդային պաշտպանության հանգույց:

«Խորհրդային նավը ռուսական նավատորմի «Սլավա» դասի երեք հածանավերից մեկն էր: Սկզբնապես շահագործման հանձնված 1979 թվականին՝ «Մոսկվան» ենթարկվել է լայնածավալ վերանորոգման՝ բարելավելու համար իր հնարավորությունները, և շահագործման է վերադարձվել միայն 2021 թվականին:

Միևնույն ժամանակ, հետախուզությունը նշում է, որ Ուկրաինա ներխուժումից հետո Ռուսաստանն արդեն վնաս է կրել երկու կարևոր ռազմածովային կայանքների հարցում, որոնցից առաջինը «Ալիգատոր» դասի «Սարատով» դեսանտային նավն էր մարտի 24-ին։

«Երկու իրադարձություններն էլ, ամենայն հավանականությամբ, կստիպեն Ռուսաստանին վերանայել իր ծովային դիրքերը Սև ծովում»,- ասվում է զեկույցում։