Ալիևի և Նիկոլի պատերազմի մասնակիցները․ Գագիկ Համբարյան

Այսօր ԱԺ ամբիոնից քայլիստ ուսապարկերից մեկը հայտարարեց. «Պատերազմի մասնակից, սխրանքներ գործած մարդուն, դատավորին ասում են՝ թմբուկ զարկող»... Այս մասին ֆեյսբուքյան իր էջում գրում է քաղաքագետ Գագիկ Համբարյանը:

«Նախ, հետաքրքիր է, թե Նիկոլի առաջ թմբուկ զարկող ապագա դատավորը որտե՞ղ է այդ սխրանքները գործել, որ որևէ մեկն այդ մասին չգիտի...Իսկ կարո՞ղ է Նիկոլ Անհողի թմբկահար-դատավորն այդ սխրանքները գործել է պատերազմից ամիսներ անց, ինչպես ասենք, Նիկոլն ու թայֆան առանց ամոթի իրենց 2016 թ-ի ապրիլյան պատերազմի մասնակիցներ են համարում, երբ բոլորն էլ գիտեն, որ կապիտուլյանտ Նիկոլն ու իր ջոկատը պատերազմի են մեկնել պատերազմի ավարտից մեկ ամիս անց՝ 2016 թ-ի մայիսին և երրորդ պաշտպանական գծում խրամատ են փորել...

Այլիևյան պրոգապանգան իրենց սեփական հոտին կերակում է տեղեկություններով, որ տեղադրածս կոլաժի վերևի նկարում պատկերված էկզոտիկ էակը մասնակցել է հայերի դեմ պատերազմին, իսկ նիկոլականներն էլ հիմա տարածում են լուրեր, որ ներքևի նկարում պատկերված թմբկահարը ևս պատերազմի մասնակից է և սխրանքներ է գործել, որի մասին, ենթադրաբար, գիտեն միայն Նիկոլն ու իր ուսապարկերը...»,- գրել է Համբարյանը։