2020 թվականի հունիս ամսից ՀՀ օրինականության սկզբունքը խախտվել է, ու դա շատ ուղիղ է ասվում․ Վարդևանյան

Ազգային ժողովում ելույթի ժամանակ «Հայաստան» խմբակցության պատգամավոր Արամ Վարդևանյանն ասաց․ «Առաջին հայացքից կարող է թվալ, որ հասարակ օրենսդրական հերթական փոփոխություն է, բայց այստեղ ամենակարևոր հանգամանքը այն է, որ ես երբևէ չէի պատկերացնի, որ Հայաստանի Հանրապետությունում՝ որպես իրավական պետություն հռչակած սկզբունքի պայմաններում, կարող է լինել օրենքի նախագիծ, որը հենց բառացի ասի, որ մենք 2020 թվականի հունիսի 4-ին կառավարության որոշում ենք ընդունել, որով մի կարգ ենք սահմանել, բայց օրենքն էլ բերել ենք, որ փոխենք 2021 թվականի դեկտեմբերին։ Այսինքն՝ 2020 թվականի հունիս ամսից ՀՀ օրինականության սկզբունքը խախտվել է, ու դա շատ ուղիղ է ասվում»։