Իրանական միջուկային գործարանի մոտակայքում ուժգին պայթյուն է որոտացել

Հզոր պայթյունը, որը տեղի է ունեցել շաբաթ երեկոյան Իրանի Նաթանզ քաղաքում, հակաօդային պաշտպանության զորավարժությունների արդյունք է. հաղորդում է Mehr գործակալությունը՝ վկայակոչելով իրավիճակին ծանոթ աղբյուրներ։

Նրանց տեղեկություններով՝ զորավարժությունների շրջանակում արձակված հրթիռ է պայթել, որի նպատակն էր ստուգել օդային սպառնալիքին հակաօդային պաշտպանության ուժերի արձագանքման արագությունը։

Սկզբում պայթյունի մասին լրագրողներին պատմել են ականատեսները։ Այս միջադեպի նկատմամբ հետաքրքրությունը բխում է նրանից, որ Նաթանզում է գտնվում միջուկային կենտրոնը, որն առանցքային դեր է խաղում Իրանի միջուկային ծրագրում:

Ապրիլին Նաթանզի հարստացման համալիրում էլեկտրաէներգիայի բաշխման համակարգում միջադեպ էր գրանցվել։ Վթարի հետևանքով զոհեր և վիրավորներ չկայինլ։

Անցյալ հուլիսին Նաթանզում հրդեհ էր բռնկվել. Իրանի իշխանությունները վթարի պատճառ են համարել դիվերսիաները: