ՏԵՍԱՆՅՈՒԹ․ Արցախի մեր հայրենակիցների անվտանգության հետ կապակցված է Արցախի Հանրապետության ճանաչումը․ Հեղինե Էվինյան

Այն, որ տարիներ շարունակ բարձրաձայնում էինք, որ Արցախում գտնվող մեր հայրենակիցների կյանքը վտանգված է և դրա հետ սերտ փոխկապակցված է Արցախի Հանրապետության ճանաչումը, այժմ ավելի հստակ է դարձել՝ ըստ Yerkir.am-ի ասաց ՀՅԴ Հայ դատի Եվրոպայի գրասենյակի գործադիր տնօրեն Հեղինե Էվինյանը Երևանում մեկնարկած ՀՅԴ Հայ Դատի հանձնախմբերի և գրասենյակների խորհրդաժողովի պաշտոնական բացման արարողությանը՝ լրագրողների հետ հարցազրույցում։

«Մենք անշուշտ շարունակում ենք մեր աշխատանքը՝ իրազեկել մեր հայրենակիցների իրավունքների մասին, այդ թվում՝ Արցախի մեր հայրենակիցների ազատ ինքնորոշման իրավունքը, և նաև ՀՀ ինքնիշխան տարածքի նկատմամբ ոտնձգությունները, իրավիճակը Սյունիքում, Գեղարքունիքում և մեր մյուս սահմանամերձ գոտիներում։ Շարունակում ենք բարձրաձայնել նաև Արցախի օկուպացված շրջանների մեր հայրենակիցների իրավունքների մասին, փորձում ենք տարբեր բարեկամական խմբերի միջոցով ֆինանսական միջոցներ գտնել Արցախում և ՀՀ սահմանամերձ շրջաններում պրոյեկտներ իրականացնելու համար»,-ասաց Հեղինե Էվինյանը։

Իբրև մեկ օրինակ նա նշեց, որ Բրյուսելում տարբեր քաղաքային խորհուրդների կողմից կարողացել են ապահովել ֆինանսավորում, որպեսզի Արցախի Խրամորթի դպրոցը վերանորոգվի։

«Սակայն այսօր ունենք խնդիր վերաձևակերպելու և իրավիճակին համապատասխան դարձնելու մեր քաղաքականությունը»,-ասաց Հեղինե Էվինյանը։

Մանրամասն՝ տեսանյութում․